Michael Owen ថា Arsenal អាចឈ្នះពាន EPL រដូវកាលនេះ

ថ្លែងប្រាប់គេហទំព័រ Optus Sport អតីតកីឡាករជម្រើសជាតិអង់គ្លេស លោក Michael Owen បាននិយាយថា៖ ការប្រៀបធៀបភាពស្រដៀងគ្នាតាមរបៀបចាស់យើងតែងតែនិយាយថាក្រុមល្អបំផុតនឹងឈ្នះ Premier League ។ នេះជាអ្វីដែលយើងតែងតែត្រូវបានគេប្រាប់ពីមុនមក។

លោក Michael Owen បាននិយាយថា ប្រសិនបើក្លឹបណាមួយឈ្នះPremier League នៅឆ្នាំនេះដោយពិន្ទុ ឬគ្រាប់បាល់ខុសគ្នានេះ តើយើងនិយាយថាពួកគេក្រុមល្អបំផុតដែរឬទេ? សម្រាប់ខ្ញុំមិនចាំបាច់គិតថាក្រុមល្អបំផុតនឹងឈ្នះវានៅឆ្នាំនេះទេ។ ខ្ញុំគិតថា ក្រុមល្អបំផុតគឺ Manchester City ។ ខ្ញុំគិតថាក្រុមដែលគួរឱ្យរំភើបបំផុតដើម្បីមើលប្រហែលជាក្រុម Liverpool ប៉ុន្តែក្រុមល្អបំផុតដែលពួកគេបានបង្ហាញវាអស់រយៈពេលជាច្រើនឆ្នាំហើយឥឡូវនេះគឺ Man City ប៉ុន្តែវាមិនចាំបាច់ទាល់តែក្រុមល្អបំផុតទើបឈ្នះលីកនោះទេ។ ផ្ទុយទៅវិញវាប្រហែលជា Arsenal អាចឈ្នះពាននៅឆ្នាំនេះ។

Arsenal បានឈានចូលដល់ការឈប់សម្រាកដើម្បីប្រកួតអន្តរជាតិលើកដំបូងប្រចាំឆ្នាំដោយឈរនៅចំណាត់ថ្នាក់លេខ១ ក្នុងតារាង Premier League ដោយសារ Liverpool ស្មើ ១-១ជាមួយ Man City ។ តាមរយៈលទ្ធផលនេះធ្វើអោយក្រុមកាំភ្លើងធំបានឈានចូលតំណាក់កាលពិតប្រាកដមួយក្នុងការប្រជែងដណ្តើមពាន ក្របខ័ណ្ឌកំពូលរបស់អង់គ្លេសដែលនឹងចាប់ផ្តើមដំណើរការឡើងវិញនៅចុងសប្តាហ៍នេះ។ Arsenal ត្រូវទៅសួរសុខទុក្ខMan City នៅពហុកីឡដ្ឋាន Etihad ។កាលពីជើងទី១ក្នុងផ្ទះArsenalបានយកឈ្នះ ១-០។ប្រសិនបើថ្ងៃនេះគេទទួលបានលទ្ធផលល្អទៀតនោះ ដំណើរឆ្ពោះទៅរកពានកាន់តែច្បាស់ខណៈការនៅសល់១០ទៀត៕