កូនភ្លោះវីរបុរស Man United ចុះហត្ថលេខាជាមួយ Old Traford

កូនប្រុសពីរនាក់របស់លោក Darren Fletcher អតីតតារាឆ្នើមរបស់ Manchester United បានចុះកិច្ចសន្យាប្រកួតបាល់ទាត់អាជីពដំបូងរបស់ពួកគេនៅពហុកីឡដ្ឋាន Old Trafford..។ កូនប្រុសរបស់លោក Darren Fletcher គឺ Jack និង Tyler បានសម្រេចចិត្តប្តូរទ្រនំពី Manchester City មកចុះហត្ថលេខាជាមួយ Man United កាលពីដូវក្តៅក្នុងកិច្ចព្រមព្រៀងដែលមានតម្លៃជាង១លានដុល្លារ..។

ពួកគេទទួលបានចាប់អារម្មណ៍តាំងពីពេលនោះមក ហើយឥឡូវនេះពួកគេមានសិទ្ធិគ្រប់គ្រាន់ក្នុងការចុះកិច្ចព្រមព្រៀងលេងអោយឈុតធំបន្ទាប់ពីពួកគេមានអាយុ ១៧ ឆ្នាំ។  ខ្សែបម្រើ Jack ត្រូវបានអ្នកចាត់ការ Erik ten Hag ចាប់អារម្មណ៍អោយចូលហ្វឹកហាត់ជាមួយក្រុមឈុតធំ។

ជាមួយគ្នានេះដែរ ខ្សែបម្រើកណ្តាល Tyler ធ្វើបានយ៉ាងល្អជាមួយក្រុមយុវជន ហើយទាំងពីរបានចុះហត្ថលេខាលើកិច្ចសន្យារបស់ពួកគេក្នុងពេលតែមួយ។ Tyler បច្ចុប្បន្នលេងអោយ​ក្រុម​ជម្រើសជាតិយុវជនស្កុតឡែន U16 ខណៈ Jack តំណាង​ឱ្យ​ក្រុម​អង់គ្លេស។  Tyler និង Jack អាចជាមិត្តរួមក្រុមក្នុងកម្រិតក្នុងស្រុក ប៉ុន្តែពួកគេគឺជាគូប្រជែងនៅលើឆាកអន្តរជាតិ។Jack បច្ចុប្បន្ន​កំពុង​តំណាង​ឲ្យ​ប្រទេស​អង់គ្លេស ខណៈ Tyler បាន​សម្រេចចិត្ត​ទៅ​លេងអោយក្រុមជម្រើសជាតិស្កុតឡែន​វិញ។

វីរបុរសក្លឹប Darren Fletcher បំពេញតួនាទីជានាយកបច្ចេកទេសដែលធ្វើការជាមួយនឹងក្រុមទីមួយរបស់ Erik ten Hag  ។ Fletcher លេងបាន៣៤២ដងសម្រាប់ម្ចាស់ជើងឯក Premier League ១៣សម័យកាលបិសាចក្រហមMan Utd  ភាគច្រើនក្នុងរជ្ជកាលដឹកនាំរបស់លោក Sir Alex Ferguson នៅក្លឹប និងបានជួយ United ទទួលបានកិត្តិយសក្នុងស្រុក និងអឺរ៉ុប៕