តើក្រុមណាផ្តួល Liverpool ចុងក្រោយនៅ Anfield ?
ក្លិបហង្សក្រហម Liverpool នៅតែរក្សាបានកំណត់ត្រាមិនចាញ់ដ៏អស្ចារ្យនៅកីឡដ្ឋាន Anfield ក្នុងការប្រកួត English Premier League រហូតមកដល់ពេលនេះមានចំនួន ២៨ ប្រកួតជាប់គ្នាហើយ។
ជាការពិតណាស់ កាលពីថ្ងៃទី០៤ ខែមេសា ឆ្នាំ២០២៤ ក្រុម Liverpool បានយកឈ្នះ Sheffield United ដោយលទ្ធផល ៣-១ នៅឯកីទ្បដ្ឋាន Anfield ឡើងមកកំពូលតារាងនាំមុខគូប្រជែងកាំភ្លើងធំ Arsenal ២ ពិន្ទុ និងក្រុមលេខ៣ Manchester City ៣ ពិន្ទុ។ ទោះជាយ៉ាងណាក្តី ក្រុមនេះក៏ធ្លាប់រងការបរាជ័យផងដែរកាលពីជិត ២ ឆ្នាំមុន។
តើក្រុមណាយកឈ្នះ Liverpool នៅឯកីឡដ្ឋាន Anfield ?
Rodrigo Moreno ស៊ុតបញ្ចូលទីនាំមុខម្ចាស់ផ្ទះត្រឹមតែ ៤នាទីមុនពេល Mo Salah តាមស្មើវិញក្នុងរយៈពេលដប់នាទីក្រោយមក។ ចាប់ពីពេលនោះមកវាគឺជាការវាយលុកពីក្រុមរបស់លោក Klopp ដោយមានអ្នកចាំទី Illan Meslier របស់ក្រុម Leeds ធ្វើការសង្គ្រោះបាល់បានម្តងហើយម្តងទៀតដើម្បីរក្សាក្រុមរបស់គាត់ទទួលបានជ័យជម្នះ។
