Jurgen Klopp ព្រមានដល់ Man Utd ឱ្យព្យាយាមធ្វើរឿងនេះបន្ថែមទៀត ប្រសិនបើចង់ផ្ទួល Arsenal

អ្នកចាត់ការ Liverpool លោក Jurgen Klopp បានព្រមានក្រុម Manchester United ថាពួកគេនឹងចាញ់ក្រុម Arsenal នៅខែក្រោយ ប្រសិនបើពួកគេលេងដូចអ្វីជាមួយនឹងក្រុមរបស់លោក..។ 

យ៉ាងណា លោក Jurgen Klopp បានថ្លៃងនៅក្នុងសន្និសីទសារព័ត៌មាន បន្ទាប់ពីបញ្ចប់ការប្រកួតស្មើគ្នា ២-២ ជាមួយនឹងក្រុមម្ចាស់ផ្ទះ Manchester United នៅឯកីទ្បដ្ឋានOld Trafford កាលពីថ្ងៃទី០៧ ខែមេសា ឆ្នាំ ២០២៤ ថា៖ «Arsenal គឺជាក្រុមបាល់ទាត់ដ៏ល្អមួយ ប្រសិនបើពួកគេ [United] លេងដូចថ្ងៃនេះ នោះ Arsenal នឹងឈ្នះការប្រកួតនេះ ខ្ញុំប្រាកដ ១០០ ភាគរយ ហើយខ្ញុំសុំទោលដែលនិយាយដូច្នេះ»។ 

គួរជម្រាបថា លទ្ធផលបែបនេះបានធ្វើឱ្យក្រុមរបស់លោក Jurgen Klopp ហាក់បីជាមានផលលំបាកបន្តិចក្នុងការប្រកួតប្រជែងដណ្តើមពានរង្វាន់ English Premier League រដូវកាល ២០២៣-២៤ ជាមួយនឹង Arsenal និង Manchester City ស្របពេលការប្រកួតលីគសល់តែ ៧ ប្រកួតទៀតប៉ុណ្ណោះ..៕

ប្រភព៖ BBC