Jesus ព្រមាន Bayern និងប្តេជ្ញាបញ្ចប់ការរង់ចាំរយៈពេល ១៥ ឆ្នាំ
មុនការប្រកួតគ្នានៅយប់នេះ Gabriel Jesus បានព្រមានធ្ងន់ៗទៅលើគូប្រកួត Bayern ថាកាំភ្លើងធំ Arsenal មិនមែនជាកូនក្មេងទៀតទេ។ ការព្រមាននេះស្របពេលដែលដែលពួកគេមានបំណងចង់បញ្ចប់ការរង់ចាំរយៈពេល ១៥ ឆ្នាំ ដើម្បីឈានដល់វគ្គពាក់កណ្តាលផ្តាច់ព្រ័ត្រ UEFA Champions League ។
Jesus បានបញ្ជាក់ថា៖ ប្រសិនបើខ្ញុំឃើញអ្វីមួយដែលខ្ញុំអាចប្រាប់និងជួយពួកគេ ខ្ញុំនឹងធ្វើ ប៉ុន្តែខ្ញុំមិនគិតថានៅទីនេះ យើងជាក្មេងទៀតទេ។ គ្រប់គ្នាបានលេងក្នុងដំណាក់កាលដ៏ធំបំផុតនៅក្នុងបាល់ទាត់ ដូចជា World Cup, Premier League, Champions League ឥឡូវនេះ។ ខ្ញុំគិតថាអ្នកគ្រប់គ្នាត្រៀមខ្លួនរួចជាស្រេចដើម្បីជួយ Arsenal ។
ប្រសិនបើយើងអាចធ្វើបានល្អផ្នែកទីមួយនៃរដូវកាលមុន និងផ្នែកទីពីរនៃរដូវកាលនេះ វានឹងក្លាយជារដូវកាលដ៏អស្ចារ្យ។ ឥឡូវនេះខ្ញុំគិតថា ដោយសារតែយើងបានឆ្លងកាត់វគ្គនេះពួកយើងបានត្រៀមខ្លួនជាស្រេច កាន់តែមានទំនុកចិត្ត និងភាពចាស់ទុំ។
