Rodri រក្សាកំណត់ត្រាមិនចាញ់បាន ៣៧៨ ថ្ងៃ
បន្ទាប់ពីជួយក្រុមមេឃខៀវ Manchester City ស្មើ ៣-៣ ជាមួយសេ្តចស Real Madrid ក្នុងការប្រកួតក្របខ័ណ្ឌ Champions League វគ្គ ៨ ក្រុមចុងក្រោយ ឥឡូវនេះ ខ្សែបម្រើការពារ Rodri បានរក្សាកំណត់ត្រាមិនចាញ់ក្នុងរយៈពេលជាងមួយឆ្នាំទាំងការលេងនៅក្នុងក្លិប និងប្រទេស ពោលគឺគិតមកត្រឹមពេលនេះ កីឡាករសញ្ជាតិអេស្ប៉ាញនេះ បានពង្រើកការមិនចាញ់បានរយៈពេល ៣៨៧ ថ្ងៃ ឬ ៦៦ ប្រកួត។
បរាជ័យចុងក្រោយរបស់ Rodri បានកើតឡើងកាលពីថ្ងៃទី២៨ ខែមីនា ឆ្នាំ ២០២៣ ជាមួយក្រុមជម្រើសជាតិអេស្ប៉ាញ ប្រកួតចាញ់ ស្កុតឡែន ខណៈជាមួយ Man City រូបគេស្គាល់បរាជ័យចុងក្រោយកាលពីថ្ងៃទី ៥ ខែកុម្ភៈ ឆ្នាំ២០២៣ នៅពេលដែល Manchester City ប្រកួតចាញ់ ១-០ ជាមួយ Tottenham ។
