Fenerbahce រងការពិន័យធ្ងន់ធ្ងរពីសហព័ន្ធកីទ្បាបាល់ទាត់តួកគី រឿងដើរចេញពីលានថ្ងៃមុន
ក្លិប Fenerbahce ត្រូវបានពិន័យជាប្រាក់ចំនួន ១១៥,០០០ អឺរ៉ូ ហើយឱ្យក្រុម Galatasaray ទទួលជ័យជម្នះក្នុងលទ្ធផល ៣-០ បន្ទាប់ពីការតវ៉ារបស់ក្លិបនៅឯការប្រកួតពានរង្វាន់ Super Cup កាលពីថ្ងៃអាទិត្យ។
ជាការពិតណាស់! ក្លិប Fenerbahce បានដាក់កីទ្បាករអាយុក្រោម ១៩ ឆ្នាំរបស់ពួកគេ ហើយដើរចេញពីទីលាននៅនាទីទី ៣ ដើម្បីធ្វើការតវ៉ាដែលពួកគេគ្រោងទុកជាមុន។ ក្លិបបានស្នើសុំឱ្យពន្យារពេលការប្រកួតមុនពេលការប្រកួត Europa League វគ្គ ៨ ក្រុមចុងក្រោយ ជាមួយ Olympiakos ប៉ុន្តែសំណើនេះត្រូវបានច្រាលចោល។ Fenerbahce ក៏មិនសប្បាយចិត្តនឹងការតែងតាំងអាជ្ញាកណ្តាលតួកគីផងដែរ។
ក្រុមមានមូលដ្ឋានទីក្រុងអ៊ីស្តង់ប៊ុល ក៏បានស្នើសុំអាជ្ញាកណ្តាលបរទេសទទួលបន្ទុកការប្រកួត ប៉ុន្តែសហព័ន្ធកីទ្បាបាល់ទាត់តួកគីបានច្រានចោលសំណើរបស់ពួកគេ។ ក្លិបបាននិយាយថា៖ ពួកគេចូលទៅទីលាន មិនមែនដើម្បីឈ្នះ ប៉ុន្តែដើម្បីការពារការពិតនិងយុត្តិធម៌។
ក្លិប Fenerbahce បានចោទប្រកាន់សហព័ន្ធកីទ្បាបាល់ទាត់តួកគីថាប្រព្រឹត្តិដោយអយុត្តិធម៌ ដោយសារកីទ្បាករ Fenerbahce ពីរនាក់ឱ្យជាប់បម្រាមមួយប្រកួត។ ការដាក់ទណ្ឌកម្មនេះត្រូវបានធ្វើឡើង បន្ទាប់ពីអ្នកគាំទ្រ Trabzonspor បានសម្រុកចូលទៅក្នុងទីលានប្រកួត និងបានប៉ះទង្គិចជាមួយនឹងកីឡាករ Fenerbahce ក្នុងការប្រកួតលីកនៅថ្ងៃទី ១៧ ខែមីនា។
ប្រភព៖ BBC
