តើកីឡាករណាទទួលបានកាតក្រហមច្រើនជាងគេ?

អតីតកីឡាករជម្រើសជាតិកូឡុំប៊ី Gerardo Bedoya ជាប់ក្នុងកំណត់ត្រាជាកីឡាករដែលមានកាតក្រហមច្រើនជាងគេបំផុតនៅក្នុងប្រវត្តិសាស្ត្របាល់ទាត់។ ខ្សែបម្រើការពារដែលលេងឱ្យក្លិប Racing, Millionarios, Boca Juniors និងក្រុមជម្រើសជាតិកូឡុំប៊ីត្រូវបានបណ្តេញចេញចំនួន ៤៦ ដង។

កីឡាកររូបនេះត្រូវបានគេដាក់រហស្សនាមថាជាដង្ខៅ នៃអំពើអាក្រក់ឬ សត្វសាហាវ ។ បន្ទាប់​ពីបញ្ចប់អាជីពជាកីឡាករលោកបាន​ក្លាយ​ជា​គ្រូបង្វឹក​ក្រុម Independiente Sante Fe របស់​កូឡុំប៊ី។ វាមិនមានអ្វីភ្ញាក់ផ្អើលចំពោះអ្នកទស្សនាដែលឃើញគាត់ត្រូវបានបញ្ជូនទៅកន្លែងឈរក្នុងអំឡុងពេលដឹកនាំការប្រកួតដំបូងរបស់គាត់បានត្រឹមតែ២០នាទីប៉ុណ្ណោះ។

ជាមួយគ្នានេះដែរ Sergio Ramos អតីតប្រធានក្រុម Real Madrid  ជាប់ចំណាត់ថ្នាក់លេខ ២ ក្នុងបញ្ជីកីឡាករដែលមានកាតក្រហមច្រើនជាងគេក្នុងពិភពបាល់ទាត់។ វីរបុរសរបស់ក្លិប Real Madrid និងអេស្ប៉ាញរូបនេះ បានទទួលបានកាតក្រហមសរុប២៩។

កាតក្រហមចុងក្រោយរបស់គាត់បានកើតឡើង ក្នុងអំឡុងពេលក្លិប Sevilla ប្រកួតទល់នឹងក្រុម Sociedad ក្នុងខែវិច្ឆិកា ឆ្នាំ ២០២៣។ គាត់ជាកីឡាករដែលមានកាយសម្បទារឹងមាំ និងជាអ្នកមានស្នៀតវាយបក ទៅលើគូប្រកួត។ ទោះជាយ៉ាងណាក៏ដោយគាត់ត្រូវបានគេចាត់ទុកថាជាខ្សែការពារ ដ៏ល្អបំផុតម្នាក់ក្នុងយុគសម័យបាល់ទាត់ទំនើប។ ចំណែកឯកីឡាករដែលទទួលបានកាតក្រហមច្រើនទី៣បានទៅលើកីឡាករខ្សែបម្រើ Cyril Rool សរុប២៧។គាត់ធ្លាប់លេងឱ្យក្លឹបកំពូលៗរបស់បារាំងមួយចំនួន រួមមាន Marseille, Bordeaux, Nice និង Monaco។ គាត់មានភាពឆេវឆាវខ្លំាង៕