ការប្រកួតឡើងវិញសម្រាប់ពានរង្វាន់ FA Cup នឹងត្រូវលុបចោល
សមាគមបាល់ទាត់អង់គ្លេស (FA) បានប្រកាសកាលពីថ្ងៃព្រហស្បតិ៍ទី ១៨ មេសា ថា ការប្រកួតឡើងវិញ( Replay) សម្រាប់ពានរង្វាន់ FA Cup នឹងត្រូវលុបចោលចាប់ពីជុំទីមួយនៅរដូវកាលក្រោយ ដែលជាផ្នែកនៃកិច្ចព្រមព្រៀងរយៈពេល ៦ ឆ្នាំជាមួយ Premier League ដើម្បីពង្រឹងការប្រកួតក្នុងស្រុក។
FA បានបន្ថែមថា ការប្រកួតពានរង្វាន់ FA Cup ទាំងអស់នឹងត្រូវលេងនៅចុងសប្តាហ៍ចាប់ពីរដូវកាលក្រោយដោយខណៈជុំទី៥ ដែលធ្លាប់លេងនៅពាក់កណ្តាលសប្តាហ៍អស់រយៈកាល៥រដូវកាលមកហើយនោះបូករួមទាំងការប្រកួតវគ្គ ១/៤ ផ្តាច់ព្រ័ត្រ ត្រូវប្រកួតនៅចុងសប្តាហ៍និងធ្វើឡើងដាច់ដោយឡែកពីការប្រកួត Premier League ។
ទម្រង់បច្ចុប្បន្ន ដែលមិនមានការលេងឡើងវិញចាប់ពីជុំទី៥តទៅ ត្រូវបានពង្រីក ដោយគិតពីការផ្លាស់ប្តូរប្រតិទិនតិចតួចដោយសារការប្រកួត UEFA ដែលបានពង្រីកក្រុម។
