តើក្លិបអង់គ្លេសបាត់បង់ឱកាសឡើងទៅ វគ្គពាក់ កណ្តាលផ្តាច់ព្រ័ត្រពានអឺរ៉ុបទាំងពីរ ប៉ុន្មានដង?

ស្ថិតក្នុងសតវត្សទី ២១ នៃយុគសម័យបាល់ទាត់ដែលកំពុងរីកចម្រើន តែបែរជាគ្មានវត្តមានក្លិបបាល់ទាត់អង់គ្លេសនៅក្នុងការប្រកួតប្រជែងពានរង្វាន់អឺរ៉ុបទាំងពីរគឺ UEFA Champions League និង UEFA EUROPA League នៅវគ្គពាក់កណ្តាលផ្តាច់ព្រ័ត្រ ដែលមើលទៅវាហាក់ដូចជារឿងមួយអាក្រក់បំផុត ប៉ុន្តែបើក្រលេកមើលទៅប្រវត្តិសាស្រ្តវិញវាមិនមែនជារឿងចម្លែកពេកនោះទេ។

យោងទៅតាមការចុះផ្សាយរបស់ BBC កាលពីថ្ងៃសុក្រទី១៩ ខែមេសា ២០២៤ បានឱ្យដឹងថា គិតមកត្រឹមពេលនេះវាជាលើកទី៣ហើយដែលក្រុម អង់គ្លេសមិនបានឡើងទៅ​វគ្គ​ពាក់​កណ្ដាល​ផ្ដាច់ព្រ័ត្រនៅក្នុងពានរង្វាន់ UEFA Champions League ឬ Europa League ដូច្នេះវាមិនមែនជារឿងគួរអោយភ្ញាក់ផ្អើលអ្វីនោះទេ។ Manchester City និង Arsenal បានធ្លាក់ចេញពី Champions League ត្រឹមវគ្គ ១/៤ ផ្តាច់ព្រ័ត្រកាលពីថ្ងៃពុធ បន្ទា​ប់ពីប្រកួតចាញ់ Real Madrid និង Bayern Munich ខណៈ Liverpool និង West Ham បានធ្លាក់ចេញពី Europa League បន្ទាប់ពីបរាជ័យក្នុងការប្រកួតជាមួយ Atalanta និង Leverkusen រៀងៗខ្លួន។

មានតែក្រុមអង់គ្លេសមួយគត់ដែលនៅសេសសល់ក្នុងទ្វីបអឺរ៉ុបគឺក្រុម Aston Villa ដែលបានផ្តួលក្រុម Lille ដោយបាល់ប៉េណាល់ទីដើម្បីឈានទៅវគ្គពាក់កណ្តាលផ្តាច់ព្រ័ត្រនៃ Europa Conference League ដែលជាការប្រកួតពានរង្វាន់កម្រិតទីបីទើបតែចាប់ផ្តើមបាន៣រដូវកាល។

តើក្លិបអង់គ្លេសបាត់បង់ឱកាសឡើងទៅវគ្គពាក់កណ្តាលផ្តាច់ព្រ័ត្រនៅរដូវកាលណាខ្លះ?

-លើកទី១ នៅរដូវកាល ២០០២-២០០៣

-លើកទី២នៅរដូវកាល ២០១៤-២០១៥

-លើកទី៣ នៅរដូវកាល ២០២៣-២០២៤

យុគសម័យកាលដ៏ល្អបំផុតរបស់អង់គ្លេសគឺនៅរដូវកាល២០១៨-១៩និង ២០២០-២១ ដែលក្លិបអង់គ្លេសឡើងបាន៤ក្រុមក្នុងពានរង្វាន់ទាំងពីរនេះ។ រដូវកាល២០១៨-១៩ ក្លឹបTottenham និង Liverpool ឡើងទៅវគ្គពាក់កណ្តាលផ្តាច់ព្រ័ត្រ Champions League និងបន្តដឹកដៃគ្នាទៅវគ្គផ្តាច់ព្រត្រ័ថែមទៀតដែលពេលនោះ Liverpool លើកពាន។ដូចគ្នាដែរនៅ Europa League វិញ Chelsea និង Arsenal ហើយពួកគេក៏ដឹកដៃគ្នាទៅវគ្គផ្តាច់ព្រ័ត្រដែរដោយ Chelsea ជាអ្នកលើកពាន។,

ចំណែកឯរដូវកាល ២០២១-២២ វិញអង់គ្លេសឡើង ៤ ដូចគ្នា នៅ Champions League ក្លិប Manchester City និង​ Chelsea ហើយវគ្គផ្តាច់ព្រ័ត្រពួកគេទាំងពីរក៏ជួបគ្នា ហើយ Chelsea ក្លាយជាម្ចាស់ពាន។ នៅ  Europa League  មានក្លិប Arsenal និង Manchester United ។ United ឡើងដល់វគ្គផ្តាច់ព្រ័ត្រតែចាញ់ Villarreal៕