តើការប្រកួត EURO ២០២៤ ប្រើប្រាស់អាជ្ញាកណ្តាលប៉ុន្មានរូប?

មិនខុសពីការប្រកួត EURO ឆ្នាំ ២០២០ នោះទេស្ថាប័នបាល់ទាត់អឺរ៉ុប UEFA  បានជ្រើសរើសនិងតែងតាំងអាជ្ញាកណ្តាលចំនួន១៨នាក់ និងក្រុមអាជ្ញាកណ្តាលមកពីប្រទេសអាហ្សង់ទីន សម្រាប់ទទួលបន្ទុកការប្រកួតចំនួន៥១នៅប្រទេសអាល្លឺម៉ង់។ គណៈកម្មាធិការអាជ្ញាកណ្តាលរបស់ UEFA បានប្រកាសតែងតាំងអាជ្ញាកណ្តាលចំនួន១៨នាក់ ក្រុមជំនួយអាជ្ញាកណ្តាល មន្ត្រីពិនិត្យវីដេអូ និងមន្ត្រីជំនួយការប្រកួតដែលនឹងទទួលបន្ទុកការប្រកួតចំនួន ៥១ នៅ UEFA EURO ២០២៤ ។

លើសពីនេះទៀត ដើម្បីជាផ្នែកមួយនៃកិច្ចសហប្រតិបត្តិការរវាង UEFA និងសហព័ន្ធបាល់ទាត់អាមេរិកខាងត្បូង CONMEBOL អាជ្ញាកណ្តាលមកពីប្រទេសអាហ្សង់ទីន លោក Facundo Tello រួមជាមួយជំនួយការពីរនាក់របស់គាត់នឹងចូលរួមជាមួយក្រុមអាជ្ញាកណ្តាលអឺរ៉ុបនៅវគ្គផ្តាច់ព្រ័ត្រផងដែរ។ ក្នុងការប្រកួតនីមួយៗនឹងមានអាជ្ញាកណ្តាលម្នាក់ ជំនួយការអាជ្ញាកណ្តាលពីរនាក់ មន្ត្រីទីបួន ជំនួយការអាជ្ញាកណ្តាលបំរុង និងក្រុមមន្ត្រីវីដេអូការប្រកួតដែលមានចំនួន៣នាក់។ មន្ត្រីជំនួយការប្រកួត នឹងត្រូវដើរតួជាមន្ត្រីទីបួននៅក្នុងការប្រកួត ។

ខាងក្រោមនេះគឺជាបញ្ជីឈ្មោះអាជ្ញាកណ្តាលទាំង១៨រូប៖ Artur Soares Dias (ព័រទុយហ្គាល់), Jesús Gil Manzano (អេស្ប៉ាញ), Marco Guida (អ៊ីតាលី), Istvan Kovacs (រ៉ូម៉ានី), Ivan Kruzliak (ស្លូវ៉ាគី), François Letexier (បារាំង),  Danny Makkelie (ហូឡង់),  Szymon Marciniak (ប៉ូឡូញ), Halil Umut Meler (តួកគី),  Glenn Nyberg (ស៊ុយអែត),  Michael Oliver (អង់គ្លេស), Daniele Orsato (អ៊ីតាលី), Sandro Schärer (ស្វ៊ីស),  Daniel Siebert (អាល្លឺម៉ង់),  Anthony Taylor (អង់គ្លេស),  Clément Turpin (បារាំង),  Slavko Vinčić (ស្លូវេនី) និង  Felix Zwayer (អាល្លឺម៉ង)..៕