តើគ្រូបង្វឹករូបណាដឹកនាំប្រកួតបានច្រើនជាងគេនៅ PL ?

Premier League គឺជា​កម្រិត​កំពូល​​បាល់ទាត់​អាជីព​ក្នុង​ប្រទេស​អង់គ្លេស។ លីកនេះត្រូវបានបង្កើតឡើងក្នុងឆ្នាំ ១៩៩២ ជំនួសលីគបាល់ទាត់ដែលមានឈ្មោះពីដើមថា Football League First Division ។ មកទល់នឹងពេលនេះ Premier League មានគ្រូបង្វឹកចំនួន ២៨០នាក់ ដែលគ្រប់គ្រងក្លឹបចំនួន ៥១ដែលបានធ្លាប់បានលេងនិងកំពុងលេងនៅ Premier League ។ ក្នុងចំណោមនោះ២១៣នាក់ គឺជាគ្រូបង្វឹកតែងតាំងជាអចិន្ត្រៃយ៍ និង ៦៦ ត្រូវបានតែងតាំងជាគ្រូបង្វឹកស្តីទីឬ បណ្តោះអាសន្ន។

តើគ្រូបង្វឹករូបណាធ្លាប់ដឹកនាំការប្រកួតបានច្រើនជាងគេ?

បើនិយាយពីការដឹកនាំដែលទទួលបានជោគជ័យបំផុតនៅក្នុង Premier League គឺ លោក Alex Ferguson ដែលបានដឹកនាំបិសាចក្រហម Manchester Utd ឈ្នះពានរង្វាន់ចំនួន ១៣ ក៏ប៉ុន្តែលោកមិនបានកាន់កំណត់ត្រាជាគ្រូបង្វឹកដែលដឹកនាំការប្រកួតបានច្រើនោះទេ។

ផ្ទុយទៅវិញលោក Arsene Wenger គឺជាគ្រូបង្វឹកដែលកាន់កាប់កំណត់ត្រាដឹកនាំការប្រកួតច្រើនជាងគេបំផុតនៅក្នុងប្រវត្តិសាស្ត្រ Premier League។  លោកធ្លាប់ដឹកនាំបានចំនួន៨២៨ប្រកួតជាមួយ Arsenal ក្នុងអំឡុងពេលដែលលោកគ្រប់គ្រងចន្លោះឆ្នាំ ១៩៩៦និង ២០១៨ ។  ចំណែកឯលោក Alex Ferguson ឈរចំណាត់ថ្នាក់លេខ២ ដឹកនាំក្លឹប ManchesterUtd បានចំនួន ៨១០ប្រកួតក្នុងចន្លោះឆ្នាំ ១៩៩២-២០១៣។ ជាមួយគ្នានេះដែលលោក David Moyes ដឹកនាំក្លឹបEverton  ក្នុងចន្លោះឆ្នាំ ២០០២-២០១៣ បាន៤២៧ប្រកួតឈរចំណាត់ថ្នាក់ទី៣៕