តើ UEFA ចំណាយនិងរកចំណូលបានប៉ុន្មានពី EURO ឆ្នាំ ២០២៤?
UEFA បាននិយាយកាលពីពេលថ្មីៗនេះថា ខ្លួននឹងចំណាយលុយផ្តល់ប្រាក់រង្វាន់សរុបចំនួនជាង៣៦០លានដុល្លារ ដល់ក្រុមជម្រើសជាតិទាំង២៤ ដែលមានវត្តមានប្រកួតជើងឯកទ្វីបអឺរ៉ុបនៅប្រទេសអាល្លឺម៉ង់ដែលនឹងប្រព្រឹត្រទៅចាប់ពីថ្ងៃទី ១៤ មិថុនា ដល់១៤កក្កដា ២០២៤។ ជាមួយគ្នានេះដែរ ស្ថាប័នបាល់ទាត់អឺរ៉ុប UEFA បានរំពឹងថានឹងរកបានចំណូលត្រឡប់មកវិញប្រហែល ២,៦១ ពាន់លានដុល្លារ ដែលបានមកពីការផ្សព្វផ្សាយពាណិជ្ជកម្ម។
ក្រុមនីមួយៗក្នុងចំណោម ២៤ក្រុមទទួលបានលុយអប្បបរមាស្មើៗគ្នា៩,៩០លានដុល្លារ។ ប្រសិនបើប្រកួតឈ្នះទទួលបានលុយបន្ថែមជាង១លានដុល្លារនិងស្មើបានជាង៥០ម៉ឺនដុល្លារ ក្នុងមួយប្រកួតនៅក្នុងពូល។
