Cristiano Ronaldo ឈរនៅកំពូលតារាងអត្តពលិករកចំណូលបានច្រើនជាងគេបំផុត  

កីឡាករខ្សែប្រយុទ្ធ Cristiano Ronaldo ឈរនៅលើកំពូលតារាង Forbes ជាអត្តពលិកដែលរកចំណូលបានច្រើនជាងគេបំផុតលើកទីបួនក្នុងអាជីពរបស់គាត់។

កាល​ពី​ឆ្នាំ​មុន ​Ronaldo ក៏​បាន​ឈរ​កំពូលតារាង​ក្នុង​បញ្ជី​ បន្ទាប់​ពី​ផ្ទេរ​ទៅ​ក្លឹប​បាល់ទាត់​អារ៉ាប៊ីសាអូឌីត Al Nassr។ទស្សនាវដ្ដីពាណិជ្ជកម្ម Forbes បាននិយាយថា ខ្សែប្រយុទ្ធសញ្ជាតិព័រទុយហ្គាល់វ័យ ៣៩ ឆ្នាំរូបនេះរកលុយបាន ២៦០លានដុល្លារ កើនឡើងពី១៣៦លានដុល្លារបើធៀបទៅនឹងឆ្នាំមុន។ ស្របពេលដែលប្រាក់ចំណូល Ronaldo កើនឡើង បែរជាគូប្រជែងរបស់គេគឺកីឡាករ Lionel Messi បានធ្លាក់ទៅចំណាត់ថ្នាក់លេខ៣ទៅវិញជាមួយនឹងចំណូលបាន១៣៥លានដុល្លារ តាមពីក្រោយកីឡាករវាយកូនហ្គោលJon Rahm ។

ខាងក្រោមនេះគឺជាបញ្ជីអត្តពលិកដែលរកចំណូលបានច្រើនជាងគេបំផុតទាំង១០របស់ពិភពលោកសម្រាប់ឆ្នាំ ២០២៤

១. Cristiano Ronaldo កីឡាករបាល់ទាត់រកចំណូលបាន ២៦០ លានដុល្លារ

 ២- Jon Rahm កីឡាករវាយកូនហ្គោលរកចំណូលបាន២១៨ លានដុល្លារ ។

៣- Lionel Messi កីឡាកតបាល់ទាត់ រកចំណូលបាន១៣៥ លានដុល្លារ។

៤- LeBron James កីឡាករបាល់បោះរកចំណូឡបាន ១២៨,២លានដុល្លារ។

៥- Giannis Antetokounmpo កីឡាករបាល់បោះរកចំណូលបាន ១១១លានដុល្លារ។

៦-Kylian Mbappe កីឡាករបាល់ទាត់រកចំណូឡបាន ១១០ លានដុល្លារ។

៧- Neymar  កីឡាករបាល់ទាត់រកចំណូលបាន១០៨លានដុល្លារ។

៨- Karim Benzema កីឡាករបាល់ទាត់រកចំណូលបាន  ១០៦ លានដុល្លារ ។

៩- Stephen Curry កីឡាករបាល់បោះរកចំណូលបាន ១០២លានដុល្លារ។

១០- Lamar Jackson, កីឡាករបាល់ទាត់អាមេរិករកចំណូលបាន ១០០,៥លានដុល្លារ៕

ប្រភព៖ BBC