លោក Pep Guardiola ឈ្នះពានគ្រូបង្វឹកឆ្នើម២០២៤
លោក Pep Guardiola បានជាប់ឈ្មោះជាគ្រូបង្វឹកឆ្នើមនៅក្នុងក្របខ័ណ្ឌ Premier League កាលពីថ្ងៃអង្គារ បន្ទាប់ពីលោកបានដឹកនាំក្រុម Manchester Cityឈ្នះពានជាលើកទីបួនជាប់ៗគ្នាដែលមិនធ្លាប់មានពីមុនមក។
គ្រូបង្វឹកសញ្ជាតិអេស្ប៉ាញរូបនេះធ្លាប់ឈ្នះពានរង្វាន់នេះចំនួន៦ដងចាប់តាំងពីលោកបានចូលរួមជាមួយក្លឹបក្នុងឆ្នាំ២០១៦។ ជាមួយនឹងពានរង្វាន់លីគចំនួន៦ឥឡូវនេះ លោកគឺជាគ្រូបង្វឹកជោគជ័យបំផុតទីពីររួមគ្នាក្នុងប្រវត្តិសាស្ត្របាល់ទាត់អង់គ្លេស។ បន្ទាប់ពីទទួលបានពានលោក Guardiola បាននិយាយថា ពានរង្វាន់នេះឆ្លុះបញ្ចាំងពីការខិតខំប្រឹងប្រែង និងឧត្តមភាពរបស់មនុស្សនៅក្នុងក្លឹបនៅគ្រប់នាយកដ្ឋានទាំងអស់។ខ្ញុំមានមោទនភាពណាស់ដែលបានធ្វើជាអ្នកគ្រប់គ្រងក្លឹបនេះនិងធ្វើការជាមួយនឹងជំនួយការគ្រូបង្វឹកដ៏ឆ្នើម និងបុគ្គលិកផ្សេងៗទៀតជារៀងរាល់ថ្ងៃ។
ការឈ្នះពានបួនលើកជាប់ៗគ្នា គឺជាសមិទ្ធផលដ៏មានមោទនភាពបំផុតក្នុងអាជីពរបស់ខ្ញុំ។ នេះគឺជាលីគដ៏លំបាកបំផុតក្នុងពិភពលោក ហើយគូប្រជែងរបស់យើងសុទ្ធតែលេងបានល្អមិនគួរឱ្យជឿ។
ប្រភព៖ Reuter
