លោក Jim Ratcliffe ថា Man Utd និង Nice អាចលេង Europa League បាន

លោក Jim RatcliffeIneos ម្ចាស់ក្រុមហ៊ុន Ineos បានថ្លែងប្រាប់ BBCកាលពីថ្ងៃអង្គារទី ២៨ ឧសភា២០២៤ ថា ខ្ញុំនៅតែមានទំនុកចិត្តក្នុងការបញ្ចុះបញ្ចូល UEFA ដើម្បីឱ្យក្លឹបទាំងពីររបស់ខ្ញុំគឺ Manchester United និង Nice អាចលេងក្នុងក្របខ័ណ្ឌ Europa League នៅរដូវកាលក្រោយបាន..។

លោកបាននិយាយថា យើងដឹងពីចំណាត់ថ្នាក់របស់ក្លឹបទាំងពីរ ហើយកំពុងពិភាក្សាដោយផ្ទាល់ជាមួយ Uefa។យើង​មាន​ទំនុក​ចិត្ត​ថា​យើង​មាន​ផ្លូវ​ឆ្ពោះ​ទៅ​មុខ​សម្រាប់​រដូវ​កាល​ក្រោយ​នៅ​អឺរ៉ុប។ ក្រុមហ៊ុន Ineos ក៏ជាម្ចាស់ក្លឹប Swiss Super Lausanne-Sport ដែរ ប៉ុន្តែពួកគេមិនមានលក្ខណៈសម្បត្តិគ្រប់គ្រាន់សម្រាប់ការប្រកួតនៅអឺរ៉ុបទេ។ ទោះជាយ៉ាងណាក្តីលោកមិនបានបញ្ជាក់អោយច្បាស់ថា នឹងដោះស្រាយតាមវិធីណានោះទេក៏ប៉ុន្តែបញ្ហាចម្បងគឺIneos ត្រូវតែបញ្ជាក់ទៅកាន់ UEFA ថាក្លឹបទាំងពីរមានរចនាសម្ព័ន្ធកម្មសិទ្ធិខុសៗគ្នា។

ករណីនេះបានកើតឡើងម្តងរួចហើយទៅលើក្លឹបបាល់ទាត់បែលហ្ស៊ិក  Union SG ដែលតម្រូវអោយមានការផ្លាស់ប្តូររចនាសម្ព័ន្ធកម្មសិទ្ធិរបស់ពួកគេកាលពីរដូវកាលមុនដើម្បីអនុញ្ញាតឱ្យពួកគេលេងក្នុងក្របខ័ណ្ឌ Europa League ជាមួយ Brighton ដោយសារតែលោក Tony Bloom មានភាគហ៊ុនកម្មសិទ្ធិនៅក្នុងក្លឹបទាំងពីរ..។ Man Utd មានកៅអីមួយសម្រាប់យូរ៉ូប៉ាលីក​បន្ទាប់​ពី​យក​ឈ្នះ Manchester City ក្នុង​វគ្គ​ផ្តាច់ព្រ័ត្រ FA Cup កាល​ពី​ថ្ងៃ​សៅរ៍ ខណៈ Nice បញ្ចប់​ក្នុង​ចំណាត់​ថ្នាក់​លេខ ៥ ក្នុង​ក្រប​ខ័ណ្ឌបារាំងLigue 1ខ្ពស់ជាងMan Utd ដែលទទួលបានចំណាត់ថ្នាក់ទី ៨..។

បើយោងតាមច្បាប់បច្ចុប្បន្ន UEFA បានកំណត់មិនអោយមានក្លឹប២មកពីម្ចាស់ភាគហ៊ុនតែមួយចូលរួមប្រកួតដណ្តើមយកពានរង្វាន់ក្នុងក្របខណ្ឌតែ១ទេ។ដូច្នេះMan Utd ដែលមានចំណាត់ថ្នាក់ទាបជាង Nice ត្រូវទៅប្រកួតនៅពានអឺរ៉ុបទី៣គឺ Europa Conference League ។ ក្រុមហ៊ុន Ineos របស់លោក Sir Jim Ratcliffe កាន់កាប់ត្រឹមតែ១ភាគហ៊ុនដែលមានតម្លៃ ២៧,៧% នៅក្នុង United និងកំពុងគ្រប់គ្រងប្រតិបត្តិការបាល់ទាត់របស់ក្លឹប ខណៈដែលពួកគេបានកាន់កាប់ក្លឹបបារាំង Niceទាំងមូល ក្នុងឆ្នាំ២០១៩៕