សន្តិសុខអាល្លឺម៉ង់ ការពារក្រុមភេរវករ និងស្រីកំណាន់កីឡាករ
សម្រាប់ព្រឹត្តិការណ៍យូរ៉ូ២០២៤នេះ កម្លាំងសន្តិសុខអាល្លឺម៉ង់ មិនត្រឹមតែការពារក្រុមភេរវករដែលមានបំណងបង្កចលាចលប៉ុណ្ណោះទេ ពួកគេទទួលបានតួនាទីមួយបន្ថែមទៀតគឺ ការពារមិនអោយអតីតស្រីកំណាន់ Lauryn Goodman និងប្រពន្ធរបស់កីឡាករ Kyle Walker ប៉ះទង្គិចគ្នាខណៈដែលពួកគេទាំងពីរមកចូលរួមគាំទ្រលើកទឹកចិត្តប្តីដូចគ្នា។ កាលពីថ្ងៃទី២០ខែមិថុនា Lauryn Goodman ដែលមានកូនពីរនាក់ជាមួយ Walker បានចូលរួមការប្រកួតរបស់អង់គ្លេសជាមួយដាណឺម៉ាក។ នាងបាននាំកូនប្រុសរបស់នាង Cairo ពាក់អាវក្រុមអង់គ្លសជាមួយនឹងការសរសេរអក្សរថា"Daddyប្រែថាប៉ា" ផងដែរ។
ឆ្មាំសន្តិសុខអាល្លឺម៉ង់ត្រូវបានព្រមានអោយយកចិត្តទុកដាក់ដើម្បីអោយប្រាកដថា អតីតស្រីកំណាន់នាង Lauryn មិនអាចចូលទៅជិតកន្លែងដែលប្រពន្ធបច្ចុប្បន្នរបស់ Walker គឺនាងAnnie Kilner កំពុងអង្គុយជាមួយប្រពន្ធរបស់កីឡាករផ្សេងទៀត ដើម្បីជៀសវាងជម្លោះ។ ខ្សែការពារ Manchester City មានជីវិតឯកជនដ៏ស្មុគស្មាញ។ Walker បានក្បត់ចិត្តAnnie ទៅលួចលាក់ជាមួយ Lauryn បង្កើតបានកូនពីរនាក់។ ក្រោយពី Annie ដឹងរឿងនេះ នាងក៏បណ្តេញគាត់ចេញពីផ្ទះប៉ុន្តែក្រោយពេលសម្រាលកូនទីបួនពួកគេបានផ្សះផ្សាគ្នាវិញ៕
